بعض العرب

بعض العرب غايب وهو بالوجودي
وبعض العرب حاضر وهو غير موجود

مثل ماغاب البارح ابن سعودي
ومثل ماعزّينا بعضنا وآل سعود

بعض العرب على وجوده .وجودي
وبعض العرب في فقده تبلل كبود

هذي حقيقه ماعليها شهودي
واللي بداله شك . فشهودها شهود

احد ٍ فعوله تشبه ام الرعودي
لا سبّلت فوق المساحيت قرهود

واحد ٍ فعوله كنها فعل نودي
لاجت لها روض ٍ خضر صار مجرود

هالنوع جعله بيننا مايعودي
لو قيل كيف فلان . بالفعل محمود

الوقت به بيض ٍ وبالوقت سودي
والله تعالى يعلم البيض والسود

فيه الثعالب والضبع والاسودي
وفيه الجمال اللي بها تنطح الكود

بس الامل باقي . وربي يجودي
دام السماء باقي به النو موجود