ردي لي أنفاسي .. - هاني المهنا
:ردي لي أنفاسي ... بموت ..كنّي معك في بطن ( حوت ) ..!لا فراق ..ولا عناق ..ولا حكي .... من أي صوت ..!!:حلمي ولو يكبر معك .. أصغر من إحساسي عليك !!وإحساسي اللي يتبعك .. كلما أبيعك " يشتريك ":وأتخيّل الواقع جميل ..أنتي وأنا .. أنتي وأنا .. أنتي وأنا ..!! وأصحى على موت المُنى !!ويدق ناقوس العنا .. وين الهنا ؟!ياللي خذيتيني عنا ..::( ردي لي أنفاسي بموت )لا حنان ولا أمان ولا مكان ولا زمان !!كل ما شلت القناع / أحس بأنك تهربين .. وكل ما أقرب تبعدين ..وكل ما ابعد تقربين .. ماني مكمّل بالهوى ..إذا بقلبي ت ل ع ب ي ن !!اقوى وقلبي ما قوى ، وأتحمل اللي ما أحتمِل ..وأتحمل أسرار الحنين ، وأول آهات النوى ..:( ردي لي أنفاسي بموت ) !!:أنتي أصبتي بالعماء .. رميتي بس الله رمى .. وأنا المُصاب ..اللي بكت لأجله مجرات السماء ..:أستمتعي في دمعتي .. في إنتحارة ضحكتي .. في روحتي في جيتي ..وإذا مللتي ربما .. " تمّل منّي دنيتي " وأقول ربي يحفظك .... ردي لي أنفاسي بموت ..:ردي لي أنفاسي بموت ..:
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.