الله يخليــــك !! - هاني المهنا

الله يخليك وادع الله يخليني
لاتدمي الجرح والإحزان ما فاحت !!

اللي لقيته من الاغراب يكفيني
لو ان نفسي من الطعنات ما صاحت !!

قلطت عمري ولاهانت شراييني
ل/ أيدين لامن خذت بسماتي ارتاحت !!

ماهو لحالك جميع الخلق ترميني
كنّي حمامه على عيون الرما ناحت !!

النجم ماهو لحاله طاح من عيني
الا السماء كلها ياصاحبي طاحت !!

ماعدت اثق بالبشر من حر مافيني
خصلاتي الطيبه ابشرك راحت !!

( قابيل قاتل أخوه وهذا يكفيني )
وشلون اثق بالبشر وسيوفهم باحت ؟!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر