مساجلة شعرية

سلام يامحمد سلام الطيبين
اللي تسلم من قلوب صافية

اللي ملامحهم قبل مد اليمين
والابتسامة فالمحيا ضافية

على الوفا عاشوا وماتوا صاملين
الله يازين القلوب الوافية

الحي منهم عند ذكر الميتين
من دون لايشعر تجي متقافية

تطيح من عينه ودمعه دمعتين
لوكان من ربه بخير وعافية

يوم استمع واقرا سطور الاولين
اقرا امور في زمنا خافية

الوفل والتوفيق والعقل الرزين
والجار والعاني وهذي كافية

عينت منها شي يوم انك فطين
ولا مثل ماشوف لمبه طافية

**********************
**********************

يامرحبا ياشاعر الجزل الثمين
ياللي تصب من الذهب بالقافيه

مثلك نفاخر به على مر السنين
عسا فداك اهل العلوم الهافية

فيما سألت اجاوبك باللي يبين
الك الاجابة يالدحية شافيه

يفرق عن الحاضر زمان الراحلين
ويفرق عن الصحوة زمان الغافية

الله على اليوم وعلى بكرة يعين
رغم الرخا شفنا السنين الجافية

هذا زمان المصلحة والجاحدين
عصابة تشبه عصابة مافية

لكن على كبر الألم متفاءلين
بأن البشاير فالليال اللافية

ولاننكر وجود الرجال النادرين
من باب ذكر الحق والانصافية

وحنا نميز فالهزيل من السمين
والشوك يثر فالرجول الحافية