اجوديه : بس مدري ليش بوصالي بخيله

من مهار افكار شعري سقتلي مهره اصيله
لا تهاب ولا تهان ولاقد احدن ضامها

ان غدت راحت كحيله وان لفت جتني كحيله
ولغير هوجاسي وفكري ماتفك الثامها

جبتها (لام العيون ) اللي بعيني عن قبيله
عذرتن كل الاصايل تنحني ل(قدامها)

عينها عين : الغزال ورمشها مافيه حيله
ومن بياض يدينها ودك تعض ابهامها

للجمال اليوسفي : عمله / ول سكر عميله
كم شيخن : من سببها ليلته مانامها

ويل قلبي : ياسعد لو شفتها من دون شيله
ودك انك : حلم تصبح ضمن كل احلامها

اجوديه : بس مدري ليش بوصالي بخيله
وحرتن : ماتبيع لكن ماعرفت انظامها

علموها : دامني من عقبها مانمت ليله
لا تزين : كل ماراحت تزور اعمامها

وعلموها : كان ماهي لي على السنه حليله
والله اني غير اجي يوم الفرح ل (عدآمهآ)