اطلق هنوفن : بالمحبه عنيده - محارب العنزي

ولدت : شاعر راس ماله فعايله
وفكره قلم مبدع : وعينه قصيده

وانتي سكنتي داخله من تخيله
مابين قلبه (يالغرام ) ووريده

شاعر : جزيل ومن روائع جزايله
كلن على ماقيل يبغى جديده

هاجوس فكره : للتالق مووووصله
وحبك موصله النجوم البعيده

يهواك وبعدك ماعتقد بيتحمله
ل آنك فريده : والفريده فريده

يام الشعر ياللي بعيني تمايله
ياطلق هنوفن بالمحبه عنيده

ياذوق عفوآ : ياسعادت تعامله
يالجوهره : يالقايده يالعميده

يالعطر الاصلي : يامعالي خصايله
ياسيدته وسيد سيده وسيده

حلآك : من زود ان ربي مكمله
عجزت آدون فيه جمله مفيده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر