حلفٍ قطعته

دفنت حبك بين روحي والاعماق
بامحاك لكنّ الدما يكتبنّك

كل مانويت انسى دفق دمي وفاق
قلبي .. واحس ان المشاعر يبنّك

ظنيتني في يوم بآشقّ الاوراق
واسمع أحاسيسي وهن يرفضنّك

بقطع بلا علمك مسافات وآفاق
وآسير في دربٍ على غير ظنّك

واشوا نسيتك / يومها حلّ الاشراق
حتى حروفي بالرضا وادعنّك

لين المسا ماحن قلبي ولا اشتاق
وآنا احمد الله قد تشافيت منّك

الدمع ذاك اليوم ع الخد مالاق
حلفٍ قطعته لوعروقي جفنّك

لو ثار دمّي بالمعاليق دفّاق
ماجاب طاري عن حنيني وعنّك

مابكيك والله لو غدا الدمع حرّاق
ما اذكر جروحي لو بدن يذكرنّك

واثر المحبه مثلها مثل الاحداق
بالله قل لي هالجفون ايعَمنّك ؟

مهما تلاقى رمشها والمدى ضاق
ماقيل : عن وجهة طريقك حَدَنّك