حلف مايخون

لا تنشدوني بحبه ليش مجنونه
وشلون حبه لحد الموت وصلني

هو ليه لاصاروا العربان يطرونه
أفز له وان حكو بإسمه يبهذلني

غالي وانا فيه هيمانه ومفتونه
يستاهل الحب كله لو يغربلني

من يوم شفت الغلا والود بعيونه
وشفته بذاك الغلا حتى مدللني

ماخاب ظني ولاخابت به ظنونه
أملت قلبي وقلبه فيه أملني

لو شفتوا وشلون هرجه ماتملونه
كان انذهلتوا مثل ماهوب مذهلني

الله ياحلو همساته بمكنونه
أنا اشهد بهرجه مايمللني

حتى او اخطي عليه بحق مضمونه
لارحت يمه وهو زعلان قابلني

ماصد عني ولو ناسه يعذلونه
شغلت قلبه وحبه هو مشغلني

حلفت ما ابدله لا ولا اخونه
وهو حلف مايخون ولا يبدلني