طمن خفوقك. لـ سحايب خير

طمن خفوقك - سحايب خير

ياحاضر الحب لا تنشد عن الماضي
ذاك انتهى والزمان المر ناسيته

تعال سد المكان اللي بقى..فاضي
لا يشغلك من بغيت أول وخليته

كانك بغيت العلوم طوال واعراضي
بس الوكاد أن جرح الوقت عديته

يوم أن نوضك..على جال الهوى ناضي
تباشرت به عيوني يوم حييته

عساك دايم على درب الغلا قاضي
يا الي إحساسك بشعر الحب حبيته

عوضتني عن زمان فات..وأعتاضي
قلب عقب مايشوف الهم داريته

رضيت بك يا الغرام وخافقي راضي
لقيت فيك الحبيب اللي تمنيته

خلاص طمن خفوقك واترك الماضي
ترى خفوقي شغلته وأستحليته

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.