دورات الايام - هتون الغيم

برفوق يادورات الايام برفوق
ماودّنا يلحق بعضنا ملامه

مهما تعاملنا مع كامل الذوق
اللي من الزله يداري كلامه

لابد يفصح عن نواياه منطوق
يبقى على مر الزمن ك العلامه

اللي سعى للخير بالخير مرزوق
واللي سعى للشر يصغر مقامه

حنّا بشر مهماالوهم شالنا لفوق
مهما تعاظمنا حدود الكرامه

مابيننا سابق ولا فيه مسبوق
كلّن يحصّل قيمته في مرامه

نزعل على الفرقا ونبكي من الشوق
واحلامنا عمرٍ سريع انصرامه

مدري متى من غفوة الزيف بنفوق
والا متى نفكر بيوم القيامه؟

© 2024 - موقع الشعر