نسيت تسأل !!

يقول : صوتك حلو ؟وشفاك ورديه ؟
جسمك رشيق ؟ويعدّونك هواويّه ؟

وعيونك :وساع ؟والا مشّها حالك !
ورموشك : تسدّعن وجه القمر ضيّه ؟

ماسك بيدّه قلم ويعيد ويكرر
لاااااازم تكون الإجابه دبلوماسيّه

وآنا اتبسّم على حاله واردد له :
نسيت تسأل : إذا كنتي " مطيريه "؟!

واذا كتبتي الشعر منهو يصفق لك ؟
واذا نشرتي .. يعرفوووون انك بنيّه !!!

والمنتدى اللي تضوّينه بكلماتك
لااااازم تكون الإداره فيه ملكيّه

تسأل وتامر وكنّك مالكٍ أمري
وانا كأني ملااااكك .. والفخر ليّه !!

مردووود صوتك .. توكّل ..لاتكلمني
ماني من اهل الهوى واهل الرومانسيّه

درب الردى ماتمرّه يوم رجليني
إلا على صورةٍ بالوقت منسيّه

لاصرت طيفٍ يجرّه من سهر ليله
مشتاق يمطر بدمعاته على فيّه

مادام راسي يشمّ انسام مملكتي
ماحاصلٍ لك ياكود أبيات شعريّه

ترسم لك حدود ماتقدر تجاوزها
إلا إذا خااااطرك تتبهذل شويّه !!