قم ظلني ..!

مريت الاسما ... ونادى رقم جوالك.
ذكرى..! والاشواق تآكلني تناديلك.

لك صورة ٍ في خفوق ٍ حنّ غنّالك.
والفكر..! عطّر خياله من تفاصيلك.

غبتي عن العين يوم الدمع نادالك.
وناداه ريح ٍ .! تعلّق جوف منديلك.

حلّقت بالشعر .! حوّلته على جالك.
وقلّطت ود ٍ .! تكيّف من فناجيلك.

شفني على الوصل واقف واتحرالك.
والليل فاقد عطورك مع مراسيلك.

القلب مايملكه..! غير انت بلحالك.
حتى المشاعر...! تخالط نيلها بنيلك.

لاعاده الله ..! مرور ٍ هزني جالك.
غيمة حنين ٍ وليل ٍ ماهو بْليلك.

ابطيت اميز برقمك واسمك وحالك.
وعجزت ارد المشاعر عن معاميلك.

كانه وصلك الغلا لاتقطع ارسالك.
افضح ظلام الليال بْنور قنديلك.

سقت التوجد.! لو انه هالني هالك.
واللي حصدته تغلي من محاصيلك.

حتى تغليك .! يبقى مثل سلسالك.
اللي هديتيه.! قبل اشكي غرابيلك.

كم ليل نادى خفوقي طلة اهلالك.
والشعر له دلة ٍ ..! غنّى بها هيلك.

جاك الغلا .! والغلا محتاج لظلالك.
قم ظلني من غيابك في مظاليلك.