العمر لو طال ينقص مايطول

العمر لو طال ينقص مايطول
والنهايه بالكفن وسط اللحد

لاتحسب العمر طايل يالجهول
العمر زايد عدد ناقص عدد

المنيه مالها لاجت عدول
ولاتفرق بين شيخ وفي مهد

بكره إليااسئلت تدري وش تقول
حين توضع داخل البرزخ وحد

يوم تسمع لاادبرو قرع النعول
ومافعلته في حياتك له تجد

ثم جوك اثنين وانته في ذهول
ملوك تسأل منهو الرب الاحد

ويسئلونك ماهو دينك والرسول
وكان ضيعت الاجابه في كبد

يضيق قبرك فيك ضيقٍ مايزول
قبل الجحيم إن ماعفا عنك الصمد

وكان الثلاث أجبتها قبرك يطول
ويعرض والشوف بالقبر اجرهد

تنظر لمنزلك من دون الوصول
بجنةٍ من نالها فاز وسعد

بالقبر ولقومة الساعه عجول
ولايبيها من لظا بقبره شهد

واخرجت مابجوفها تكن الذلول
بنفخه اخرى يقوم من فيها رقد

وش تعذر فيه في يوم المثول
شاخص العينين ومعرا الجسد

انتبه مادام بيديك الحلول
إعبد الله واسجد إمع اللي سجد

قبل يوم الحذق من هوله يهول
يوم ماينفعك مال ولا ولد

السعيد مطيع ربه والرسول
والمثل كد قال من يزرع حصد