دنيا تهين الحر وتعز الانذال

ياناشدن : عن حال حالي ترى حال ..!
رجلن فقير ومبتلش في ضيوفه

واللي بجيبه : زحمة هموم وريال
مقطوع خايف لآحدنه يشوفه

حده زمانه : وبتلش بين الاحوال
ماغير : يدعي ثم يصفق كفوفه

هذا : ترى حالي وانا سالي البال
انسان تايه بين حزنه وخوفه

اصله : سعودي يلبس شماغ وعقال
لكن ظروفه لعنبوها ظروفه

يشره على ياليت : والحلم والفال
ويقول باكر : جعل مابه يحوفه

وليا لافى باكر بكى زيف ومحال
ليله طويل وشمس حظه كسوفه

ذنبه نما في وقت خاين ومحتال
وكلن على زاده مضمن سيوفه

هذا ملى كرشه بتغسيل الاموال
وهذا سرق من درج عمه وشوفه

يعني :زمانن تنقرد فيه الابطال
ولا الردي عايش بحالن تروفه

دنيا تهين الحر وتعز الانذال
قصت جناحه والمصايب تطوفه

حسبي عليها حطمت كل الامال
حالي غدا :مسرحه وترسم بروفه

ابكي من البارح وانا اليوم لآزال
دمعي يهل ولاحدن له يلوفه

هذا ترى حالي وانا سالي البال
انسان تايه بين حزنه وخوفه

اصله سعودي يلبس شماغ وعقال
لكن ظروفه لعنبوها ظروفه