قالوا الانذال - جزاء البقمي

قالوا الانذال جاك الفارس الشهم الكريم
حامل الكاس ورفع راس البلد هذا ( هشام )

قلت يا عزي لكم ما عاد باقي به حكيم
ماتت الغيره بكم ماعاد ينفعكم كلام

من فعل فعله سطل ما هو بطل والله غشيم
لا خذا مشي الغراب ولا خذا مشي الحمام

يا زقينه يا حليله صاحب الصوت الرخيم
قلت هذا ابليس زيّن للبشر شوف الحرام

اختلاط ورقص وعيون الهوى صارت تهيم
في زوايا بيت عار ٍ ممتلي حب وهيام

هز وسط وقل دين ومشهد يبك الحليم
وانتهاك لحرمة الله يا عساهم للعدام

والله انْ اللي دفع ماله عبث عقله سقيم
سوف يُسأل عن رياله يوم تنساق الأنام

يحترق قلب الغيور وينفطر قلب الرحيم
يوم صار الجيل همّه بالأغاني والغرام

لا تظنون البلا هذا جديد إلا قديم
ديننا صار الهدف .. هذا الهدف ( نشر الظلام )

والقضيه اكبر اكبر ليت تفهم يا فهيم
غزو فكر وهز دين ٍ مستمر ٍ بالداوم

صاب سهم الغدر قلب الامه بجوف الصميم
وانتثر دم الكرامه .. وانفرد هم الكرام

بالقنابل هدّموا دار الضحيه واليتيم
وبالصواريخ الحديثه دخنّت ارض السلام

اصبحت ارض الرساله بالمدافع كالجحيم
بين تزهيق النفوس وبين تكسير العظام

يا ( اسود الامه ) اللي فالرمادي بالخصيم
حطوا انواع العجايب حي ذاك الانتقام

وشوفوا ابطال الحجاره ويش سوو باللئيم
ما تهنّى بالحياه .. ولاتهنّى بالمنام

يهجدونه بالحجاره لاظلم الليل البهيم
وكم شهيد ٍ فجّر جموع ( النجاسه ) بالحزام

ناس تبذل في سبيل الله وتزهد بالنعيم
راجيه ما عند رب الناس من طيب المقام

وناس تبذل في سبيل ابليس هذاك الرجيم
كلها.. ( تصويت كاذب لاجل ما يخسر هشام )

الله اللي عزنا بالدين والشرع القويم
مع شرف خدمة حجيج الله ومسجده الحرام

مابه احد ٍ سوف يبقى .. لا تعد انك مقيم
كل ابونا سوف نفنى والكفن مترين خام

وكلنا بنمر من فوق الصراط المستقيم
وحظ من عدّى الصراط وفاز بالجنه ودام

© 2024 - موقع الشعر