أنا جنتك بالدنيا

حبيبي كان تسمع لي
أبي منّك طلب وصغير
قبل ما لوقت ينهيني
مثل عشاق قبلي كثير
مثل صفحات بالدفتر
طواها الوقت والتأخير
وخلاّها بلا معنى
بليا فود أو تسطير
وبعد مده ..
وبلا رحمه ..
حرقها وصارت رماده
يلاعبها الهواء .. والطير
تعال نسامر النجمات
تعبت من السهر وحدي
يخوفني ظلام الليل
وترهبني مشاويره ..
أخاف من الفراق اللي
يسمى أخر المشوار
وأخاف الصيف وسمومه
جفاف وشح فيما البير
عطاشى قلبي وعيني
من أسباب ..
الجفاء .. والبعد
ولا تحسب لهم تقدير
تعال وعش معي لحظه
تعال وغرّد بحضني ..
وأسكن داخل العينين
حلالك فدوتك عيني
وإذا ودك بعد قلبي
عطيتك صدري وأضلاعه
ولو تأمر ببرجً فيه
بنيت البرج وأسميته
(حلال الطيب الغالي)
وملكتك تأمر فيه
وجهزته بأصنصيره
ولا تشقى .. ولا تتعب
ولا تضما يا أغلى حب
أنا جنتك بالدنيا ...
تمنى وأطلب وأمر ..
ولو شهوتك في طيراً
شويته لك وقدمته
بس أنت خلك بقربي
وشوف اللي بسوي لك
أنا ما أقول ب أحاول
أنا أوعدك .. ثم أوعدك
لأحقق كل أحلامك
لونّه الثمن دمي .