ألوج بالدنيا هي بي تلوج - زيد عبدالله ابراهيم الحرب

ألوج بالدنيا هي بي تلوج
والوقت الأقشر دستني مواطيه

والله لولا اللي سوات الخلوج
عجوز ولالها غير زولي ترجيه

لانسف على بنت العماني خروجي
ودور في عمري الشقى لين أنا أفتيه

قطع الفيافي في نحرها تيوجي
الصلب والصمان في يوم تطويه

ونهار ثالث في القرايا تدوج
طوارف العارض عسى السحب تسقيه

أزبن على اللي عادل كل عوج
سلكان نجد يعل ربي ينجيه

حامي البحر والبر فوق السروج
وعن دولة الأجناب بالسيف حاميه

نخوض في صفه بحور وموج
وبحماه ناطا البر اللي سكن فيه

خمسين عام والجزيرة تروج
من مات عبد الله وهو العز جافيه

اليم بامر اللي يمشي البروج
رب السما رد الحكم حق أهاليه

1930م
© 2023 - موقع الشعر