لقيت بالدنيا تعب - مشعل محبوب النون

لقيت بالدنيا تعب.. قريت للماضي كتاب
وجه التشابه بين ماضينا وحاضرنا بقا

فيه الكرم والجود واهل الطيب معتقت الرقاب
وفيه البخيل اللي تهيا له حلال ولا ارتقا

أنا مجرب والتجارب غير عن طرد السراب
ضميان من يطرد سراب وتالية طره شقا

أهل النوايا السود تنقل في حشاها سم داب
وافضل عباد الله عبدٍ به صلاح وبه تقا

وقت الرخا يا كثر ربعي بالذهاب وبالاياب
لكن ليا من صارت الشدات ما فيه أصدقا

والعاقل اللي لا خطا يدرك خطاه من الصواب
لازم يميز.. والرجال اللي على وضح النقا

يقولها شاعر فتح للشعر باب وصك باب
ماهو من اللي لا بغي يكتب قصيدة مالقا

هذا ترى رد السؤال اللي يدوّر له جواب
يا اللي جعلت الساقية واللي يخضون السقا

© 2024 - موقع الشعر