رسالة أستفزازية - محمد المفضلي

يا غايبه عني سنه
وشلون تقوين البعاد
وشلون قلبك يحتمل
وشلون تهني بالرقاد
تقولي خوفك هو خذاكِ
وإلا بعَادك ما يُطاق
وأنا أقول الله معاكِ
وأستغفر الله من الفراق
يا غايبه شللي حصل
أصيح لك ما تسمعي
وأن جيت بسلم عليك
بمواصلك لي تمنعي
وأتجاهل أنا مسمعك
وأحاول أني ما أذكرك
وأن مر طيفك لي بيوم
أقول أنا ما أعرفك
أتصنع البسمة بلقاك
وأضحك بصوتً يآصلك
وأقول ما عندك خبر
آسف أنا ما قلت لك
أكيد ما حد خبرك
ع اللي جرى في غيبتك
اختاروا أهلي لي عروس
قالوا الخطوبه بجيتك
رديت يا أهلي ع المهل
البنت ما هي طايره
إن كان فيها لي نصيب
ما بالقدر .. مخايره
أضحك على نفسي أنا
وأحاول أني أجرحك
وأطول الهرجه معك
أفهمني الله يصلحك
كذاب أنا لا تصدقي
مهما تظاهرت الفرح
حتى لونّي لك حلفت
في غيبتك قلبي أنجرح
© 2024 - موقع الشعر