ضج الخفوق............

قم وانتفض يالقاف كالحر العديم
ما للهجوس اليوم والفكر استراحه

إفرد جناحك واعتلي من فوق غيم
وامطر زلال الحرف واروي من قراحه

هات الجزيله وازهل المعنى الهشيم
لا ترتضي من دون معنى به فصاحه

واترك غموض النوم في أهل الرقيم
ما دام ربي قد تكفل في إضاحه

سلّم على ناصر وقولاً من رحيم
من يتبع الشيطان ما يعرف صلاحه

والناس باطن...... ما نشوفه بالأديم
والذيخ ذيخ ولا علينا من نباحه

والغدر ما يبطي زواله يا فهيم
وانت وانا يا صاح كلٍ ن في كفاحه

والحب لحنه في مسامعنا رنيم
واليوم نسمع سبّة الفرقا صياحه

ضج الخفوق وضاق من قبلك سقيم
يا صاحبي ما ذقت عقب الريم راااحه

الترفه اللي ما تقارن بالحريم
ربي خلقها كاملة زين و رجاحه

راحت وقلبي وسطّ أحزانه يهيم
والمبتلي بفراق ما تبرى جرااااحه

راحت ولين اليوم بالخفّاق ريم
ولا همّني يا صاح لي قلت الصراحه