نزف الخفوق - احمد الخالدي
الليل طال وْطاول الهمّ راعيهوالصمت حوّل في ضلوعي مقرّهأقلّب الذكرى وعمري مواريهشابت وهو للحين يصلاه شرّهيا وحشة الخاطر ومعظم بلاويهولا عاد به طاري يجيه ويسرّهأجلس لحالي والتعب كيف أخبّيه؟والدمع من محجر عيوني أجرّهأبني من الآمال صرحٍ واراعيهوأرجع وحيدٍ ليل حزنه يجرّهيا كم غالٍ راح ما عاد نرجيهأقفى وخلاّ في الحنايا مبرّهالحلم مات ويابس الغصن نثنيهوالصبر جفّ وْلا بقى فيه ذرّهوالخل لو زاد الجفا في تماديهيصبح على قلب المعنّى مضرّهلا واهني اللي زمانه مصافيهما ذاق طعم الوحدة المستمرّهلكنّ همّي والمواجع تباريهكنّه سجينٍ والظلايم تجرّهيا قلب من غدر الليالي مكافيهواللي كتبه الله لابد يمرّهكنّ العمر ليلٍ بعيدٍ مناشيهوالحظّ مقفي والمقادير كرّهما عاد باقي غير جرحٍ نداريهفي ليلةٍ ما في سماها مجرّهالعين تشبه واديٍ سال جاريهمن ضيقةٍ سلّت على الروح غرّهمركب شقاي يموج والموج عاميهفي لجّةٍ تسلب من العين قرّهطيف الفرح كنّي بكفّي مهاويهفي بير ياسٍ ما وصلت لمقرّهأشرب قراح الهمّ والمرّ أشانيهكنّ الفضا ينبت من الضيق حرّهقلبٍ حطبه الياس والوجد حاديهيصلاه كيد الوقت والفقد ضرّهيالين ما دكّت وهزت عراويهواظلم نهاره وليلته مكفهرّهأنات حزنه ما لقت إذن توحيهلله در الحزن لله درّهصدر السما ضاقت على من يناجيهوالأرض كن فيها البشر مستشرّهأرسم سرابٍ في خيالي واداريهكنّي غريبٍ ضاع خيره وشرهجرحي غصن والنزف هاذي سواقيهوالعمر ينقص والمنايا تبرّهأطوي فيافي التيه والحزن طاوِيهمليت من كثر العتب والتّشرّهللي غلاه اليوم زاد بتماديهوطبع التغافل عن سواياه غرّهلا بد من ساعه بها القلب ينفيهيسمع لقدره وسط الاضلاع خرّهولا بد ما يلقى له انسان يغليهمن بعد حلو الحب يسقيه مُرّهلن الجزا من جنس فعلٍ يسويهمردود ما سواه مره بمرّهياما سهرت الليل أرقب حراويهومن اشتياقي وسط الاضلاع صرّهاللي بقلبي كان محدٍ يساويهما عاد له من راح بالقلب جرّهخله يناظر نظرة العين تنبيهأصبح رماد وكل ريحٍ تذرّهعزي لحاله منهو الحال يرفيهرفا الثياب إن كان مبها أزرّهمن كثروا احبابه وشحت سوافيهولكل خافي للخلايق يشرّهومن ظنه ذراعي ليا غاب يلويهيالين صار القرب منّه معرّهمن غيّر دروبه وتاهت خطاويهوالنيّه السودا طباعه تدرّهومن بدّل سلومه وغير مباديهواستنكر الماظي وقام ايتبرّهمن شانت علومه وبان الردى فيهرداة من يشتم لظيفه ويطرّهمن صار يصرف له هلا الله يحييهمن كل سلتوحٍ يجيه ويمرّهومن قبل لا ينادي يقول له لبيهكنّه مشاعٕ وللسلاتيح عِرّهخابت به ظنوني عسى الله يجزيهطعم السعاده والهنا والمسرّهوالوقت لو تكثر علينا حكاويهما ينقل من العلم ما كان سَرّهصدر الحزين اما انكوى في معانيهيقفي وحزنه بالحنايا يصرّهيطوي بي الهاجوس دربٍ نماشيهوأسجّ في دنيا بها النفس حرّهوالليل طال وْطاول الهمّ راعيهوالصمت حوّل في ضلوعي مقرّه
© 2026 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.