مجنون في حبك

للحين باقي : محتفظ في رسايلك
للحين باقي خافقه منك : مآتآب

حتى صورك اللي من العام توصلك
ويقولك هاك الصور / خاطري طآب

للحين عنده باقيه ماتمللك
في وسط جواله وفي داخل اللاب

تطري له طعونك / ويبكي ويهملك
ويمسح صورك ومادرى الشوق غلاب

يرجع ينزل صورتك ثم يحملك
ويعلق الصوره على كل الابواب

ويذكر جروحك داخله مع تجاهلك
ويمسحك ثم : يرجعك لين ماشاب

مجنون / في حبك ولا هو بعاقلك
وكذاب في حبك : ولا هو بكذاب

شتت قلبه : بين اعزك واعزلك .؟
اعزلك اعزك ذاب قلب الولد ذاب