في حضنك الدافي ترى بيت سلطان
وفي عيونك النجلا وطن يا حياتي
وانا بدونك مرتحل مالي اوطان
لقيت في حضنك وطن عن شقاتي
مثل اليتيم اللي ربى ماله اعوان
تلعب به الدنيا من اربع جهاتي
وفي اخر اللحظات يلقى له انسان
يكفي من الدنيا بكلمة شفاتي
صار الاهل والام والاب واخوان
وصار السما والارض كوني وذاتي
لقيت في حضنك وطن كله امان
لاجيت لك ناصي تلملم شتاتي
اعرف ترى قدرك ولو كنت زعلان
واعرف وفاك اللي عديم الصفاتي
ولاتحسب ان اللي قطع وصلك الان
مرتاح من همه وليله يباتي
هذي ظروف الوقت ياعز من كان
وهذي ظروف الحب قسمه وجاتي
حبك سطى بالقلب واحتل الاركان
ذكراه تبقى لين تسمع وفاتي
وتبقى لك الذكرى على مر الازمان
ينضح بها طهرك لو الوقت فاتي
يابعد عمري حبك اليوم ما هان
محفوظ في قلبي لو الوصل ماتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.