بنيت لي عشرين بيت وكل بيت ابطن بيت

لـ ، ، بواسطة فالح بن معترم، في غير مُحدد

المنسابة: القصيده كانة مشاركه بمسابقه شعريه من العيار الثقيل بالملتقى الثقافي لقبيلة العوازم :

بديت بسم الوالي الرحمن خلاق الانام
وبنيت لي عشرين بيت وكل بيت ابطن بيت
الحمدلله ماشي بدرب السنع والاحترام
ماني من اللي قال بافلان الفلاني كيت كيت
يابنت انا مالي ومال الحب واعلوم الغرام
مادمت في درب السنع درب الردى عنُه انتحيت
وش لي بدربن..؟ مايجيني منه ياكود الملام
ويقل قدري في عيون الناس لو فيه اغتنيت
قال المثل لو ما تدور الارض ماشفنا الظلام
واقول حكمه من الاه الكون ياللي مادريت
العاقل اللي لامشى يمشي طريقه للامام
ويقول لاهل الجهل ياهل الجهل منكم وش خذيت
غير العلوم الخايبه وعقولكم فيها انفصام
بدروبكم هذا تراني لا سرحت ولا ضويت
احدث العاقل بما يعقل وله قدر ومقام
وللشعر بيابانه وانا باب الفخر معه التقيت
ابفتخر باسلامنا وابسنة اللي مايضام
رسولنا خير البشر في سنة طبت وهنيت
دين التسامح ديننا ماهو بدين الانتقام
وكتابنا حافظه ربي.. ياللي لكتابك نسيت.؟
قرئننا فيه العدل دستور من صلى وصام
والهدي هدي المصطفى والله هداني واهتديت
رسولنا بقلوبنا يبقا على مر العوام
الحب له بقلوبنا في صبح ولا في مبيت
رمز الكرم رمز الوفاء رمز التسامح والسلام
رمز التواضع والمحبه والعلى معه اعتليت
الخيل من خيالها ماني مخلاف للنظام
النار من شبابها وعن شبتي لا ماسليت
ومسيلما كذاب ومحمد نبي مابه كلام
يامصدق الكذاب وامكذب رسولك وش لقيت
غير الهوان ابدنيتك من بعدها وسط الحطام
واعوذ بالله من حطام النار لمني خطيت
يالله سامحني وحقق لي مرادي والمرام
في جنة الفردوس ترزقني ليا مني انتهيت
وتضلني في ضل عرشك يوم يصحون النيام
انت السلام الواحد القدوس والمحيي المميت
صلى الله وسلم على محمد عدد ما الطير حام
المصطفى المختار من هديه تعلمت ووعيت
بالمبتدى ذكر الولي ورسولنا مسك الختام
تممتها عشرين بيت وكل بيت بطن بيت

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر