شسوي بالهموم اللي اجهدتني

سلام الله عدد ماطار طاير
وعدد ماساقة المزنا بشاير..

من اللي شاقته جادل جميله
كحيلة عين مجدولة ظفاير..

تواعدنا وكلن جاء بوقته
وبعد ماشفتها هلت عباير..

تقول افراق ما بيني وبينك
وصار الفكر من كلمته حاير..

وقلت اصبر وبالفرقا تروى
ترى فرقاك من روس الخساير..

وقال ارجوك ابرحل في طريقي
لان افراقنا لابد صاير..

وراح ونار بعده في ضلوعي
تشب بخافقي مثل السعاير..

شسوي بالهموم اللي اجهدتني
وشسوي بدنيتي والحظ باير..

انا واشلون ابنسى مامضالي
وحب صويحبي وسط الظماير..

وانا حالي من فراقه ياخالد
سهير الليل وكربن زقاير..

مغير اسج من ضيقه لضيقه
اصارع دنيتي والهم جاير..

صحيح إنا بهالدنيا نتجمع
ولكن نفترق والوقت داير..

نصاك الي حصلي بالرسايل
وانا بشورك ترا ياصاح ساير..