شيلة غلا الغالي اداء البارق

لـ سعد الشقحاء، ، بواسطة سعد الشقحاء، في الغزل والوصف، آخر تحديث

شيلة غلا الغالي اداء البارق - سعد الشقحاء

على ذكريات اللي برى الحال بري العود
حسين الوصايف يتم القلب بفراقه

اليامن ذكرته قلت ليت الزمان يعود
تعود السنين اللي لها النفس مشتاقه

فداه الغلا والحال والجود و الماجود
فدته العيون اللي من الدمع غراقه

وفداه الفواد اللي من مفارقه ملهود
يمني لقاً جفت عروقه ولا ذاقه

انا منه حالي في ردى والسنين تزود
ولالي على فرقاه صبراً ولا طاقه

علي النجوم الساهره والليال شهود
ويشهد مكانن كل يومن بمشراقه

قضى العمر في حبٍ حشمته عن المنقود
وفاء من وفين عايق الوقت ما عاقه

غلا الغالي اللي وصلنا يمهم ممدود
سقيته سنين العمر والود لي ساقه

الا و صلي له شكوتي يا هبوب النود
عسى يعذر اللي يثقل الوقت من ساقه

وقولي ترى له من وراء شكوته مقصود
يحرك شعورٍ طاري الشوق ما شاقه

عسى وصلنا من يمهم بالامل معقود
عسى البعد والنسيان ما عكر أخلاقه

© 2024 - موقع الشعر