حكم المقادير

يامبعده روحي بحكم المقادير
ماظنتي اقدر اغير مسارك

اذا الخطا مني تجيك المعاذير
واذا الخطا منك قبلت اعتذارك

كنت انتظر منك ابتسامه وتبرير
بس الرحيل بصمت كان اختيارك

كان التلاقي غير ومفارقك غير
وكان انتظاري غير معنى انتظارك

بكيتك بشارعك في حزة عصير
وبكى معي شارعك واطلال دارك

وجلست اكلم بابك : بغير تفكير
ولو احلف : أن الباب : وده يشارك

هزتني : كف وصوت : ( ياسالم الزير )
ثم التفت وشفت : ( يا نوف ) : جارك

سلم وقال : الله يمسيك : بالخير
اكليب راح : ولا يفيد احتضارك

رديت : في صوتٍ مثل صوت : سكّير
عشق العذارى : غير عشق المعارك

ومشيت من عنده : وفي داخلي طير
صفّق بجنحانه وطار : لمطارك

لكن بعد : ركعة : وسجدة وتكبير
جات السكينة : ثم جيت : ل قرارك

وعرفت : بأن الوضع يحتاج : تقدير
أحلامنا : وبساطتي : واختصارك

من اول الخطوة : إلى ابعد : مشاوير
من كحل عينك : لين روعة سمارك

من شيلة حمول : الرجال المناعير
من جدي ل جدك : وثاري وثارك

يانوف : أنا : وانتي : بحكم المقادير
لذا : الرحيل بصمت : كان اختيارك