حروفنا الأبجدية

ياشوق خوذي من معاليقي الآه
وهاتي بقايا حروفنا الأبجديّة

لاتسألين القلب وش فيه وش جاه
هذا السؤال الصعب وانتي ذكيّة

هذا سؤال اصعب من الجرح ودواه
واصعب من التفاح والجاذبيّة

عاشق ولكن درب الأقدار ودّاه
رغم الليالي والعيون النديّة

من كثر ماوقته يعانده // سمّاه
وقت القهر والكذب والعنجهيّة

يابنت حنا في زمان المحاكاة
وكل الوجيه اللي تمرك غبيّة

اللي نوى بالصدق ياليت سوّاه
على الأقل الشخص تكفية نيّة

لا مانويت الغدر لكني القاه
بعيون ووجيه النفوس الردية

والصادق اللي عشتي الحلم ويّاه
عاش السنين الجرد والجرهدية

ماكان يبغى البعد ماكان يبغاه
لكن فراقك مثل سهم المنية