قلب محبوب

لـ عامر الأشجعي، ، في العتب والفراق، آخر تحديث

قلب محبوب - عامر الأشجعي

لاتحسب اني ناسيٍ قلب محبوب
الحر ماينسى حبيبه ولو غآب

مير البلا عيّت تقاطع لنا دروب
عيّت دروبي توصل احباب لاحباب

ماتوب ياشوقي عن الشوق ماتوب
لو شاق وصلك وانقفل دونك الباب

مايوصف اللي داخلي بيت مكتوب
الحب ماهو بيت واوراق وكتآب

الحب ماهو ريشةٍ ترسم قلوب
الحب يسكن قلب ويسيّل اهداب

يابو جديلٍ باسود الليل مخضوب
من راسك لردفك كمآ الموج ينسآب

طالبك يازين الحلا بس مطلوب
لوغبت عن عينك بلا اعذار واسباب

لا ياخذك هرجٍ من الناس مكذوب
بعض البشر عدوان في صورة اصحاب

كان انهم حطوبي الفين عذروب
ترا عذاريبي ردى حظ وغياب

ان كنت غايب غايبٍ عنك مغصوب
وان جيتلك عطني من عتابك عتاب

اضمك لصدري قبل حزّة غروب
واقول لك قصة غيابي والاسباب

© 2024 - موقع الشعر