ضياع الحرف - عامر الأشجعي

وش اسوي في ضياع الحرف مع صمت الكلا‌م
دامك اللي أكتفيتي عن كلا‌مك تسكتين

ودام قلبي من دموعك أنكسر واصبح حطام
وش بقالي .. ياليتيمه شي ثاني تكسرين

تسأليني كيف حالي ؟ حالي مثلك بالتمام
وهذا حال الوقت .. دايم كل حزينه مع حزين

الحزن في كل بساطه .. جرح مافيه التئام
والفرح وشلون يشرق .. لو بغيتي .. تفرحين

عادي نبكي بالحزن .. ماهي غريبه أو حرام
الغريب احيان أضحك بالحزن أو تضحكين

أقسى أحزان البشر ﻻ‌جا مع الدمع ابتسام
والبليه شرها مايضحك الحزن الدفين

تذكرين .. الفارس اللي كل ليله ماينام
وﻻ‌ صح .. أنتي نسيتي كيف اصلا‌ تذكرين

هذا واحد : كان يسمع أن بالدنيا غرام
قال .. يالله نبغى نفهم وش شعور العاشقين

ذاق نارٍ : بالهوى مافيها برد ولا‌ سلا‌م
أحرقت قلبه على جمر المحبه والحنين

ذاق ضربة سيف خلت في شعوره أنقسام
صار عشقك باليسار .. وصار حبك باليمين

هذا فارس خاض حربه كلها دون انهزام
والبلا‌ قدام عينك أنهزم من نظرتين

هاه .. قولي .. تذكرينه ؟ وﻻ‌ مو قد المقام ؟
أدري انك تذكرينه لكن انتي تنكرين

قالت .. اسمع ماحصل بيني وبينك انسجام
أبتسمت . وقلت طيب . ليش طاحت دمعتين ؟

قالت انفاسي ياغالي صار فيها أنكتام
كنها مظلوم تايه خلف قضبانه سجين

قلت .. طيب ليه قولي صارحيني يالهيام
قولي كل اللي بقلبك . يمكن أفهم وش تبين

غابت الكلمات عنها كنها بحال أنصدام
كنها .. طفلٍ صغيرٍ : مايركب .. كلمتين

وسالت دموع اليتيمه كنها وبل الغمام
ولا‌ قدرت اﻻ‌ اقول . الله يعين . الله يعين

بعدها .. قالت أمانه .. حط ماضينا وسام
فوق صدرك .. قلت حاضر .. غيرها وش تطلبين

قالت .. اطلبك السلا‌مه خل دربك للأمام
واخر الكلمات كانت . ياغلا‌تي تسلمين

بعدها .. ودعتها والحب هو مسك الختام
رحت مدري وين رايح . حتى دربي مدري وين

رحت تايه في متاهاتٍ .. بها القلب استهام
أمشي خطوه .. بعدها أرجع وراها خطوتين

أستقام الدرب لكن . ليه .. قلبي ماستقام ؟
يبقى مايل غصب عني صوب ماضينا الثمين

المشاعر يايتيمه ماتمر مثل الكرام
أوعدك يبقى شعوري بالحنايا مستكين

بالنهايه يايتيمه .. ألزم الصمت التزام
ياللي دايم عن كلا‌مك في سكوتك تكتفين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر