الفخر والتاج

بعد حدد الموعد وجات الجموع أفواج
تبا الأوله والأوله حظ راعيها

حظرنا لعايض ما عسرنا تعب وأحراج
لعايض طويلات المسافات نطويها

وناقف معه يومه لربعه غدى محتاج
يماريبنا وكبود الأخصام نكويها

ونصمد وسط بحر ٍ تصافق به الأمواج
يالين المهمه راعي الطيب ينهيها

وهذي عوايدنا ولا نخلف المنهاج
ولو نخلفه عزوة عتيبة نخليها

يا عايض لك الناموس ويالفخر والتاج
لك الأوله كسبك ولا أنته بشاريها

تطمن ما دام اللي معك خيرة الأنتاج
ولا فالنياق الوضح من هي تحاليها

ليا درهمت تطو المسافه كما الميراج
ومن شافها طش العمامه يحييها

هي اللي لها درب الذهب دائما ً منعاج
وكل الجوائز يالبناخي تراعيها

وهي طب مجروح ٍ يبا للجروح علاج
تطيب الجروح أن شاف من هي تداويها

بلش من تحداها يبا شوفة المخراج
يبا شوفته يومه عجز لا يباريها

ويا عايض لك الناموس ويالفخر والتاج
لك الاوله كسبك ولا أنته بشاريها

تطمن ما دام اللي معك خيرة الأنتاج
ولا فالنياق الوضح من هي تحاليها