الـمـوت الحـمـر - محمد الشيباني

أنشهد أن الحب يا نايف هو الموت الحمر
أسأل مجرب عاش به هل هو شقي ولا سعيد

الحب لا جاء معترض وأيضا على صكة دهر
والله ما تسلم منه لتصير تحت إيداه صيد

ودك تهاجر عالمه عامين وأسبوع وشهر
مار البلا فالقلب ما يقدر ليا قيد بقيد

قيد المحبه والوفاء والصدق وأحساس الخطر
خايف تفارق صاحبك وتعيش بالدنيا وحيد

تعيش مثل اللي سقط من عقب ما بان وشهر
والناس تنشد عن علومه يا ترى هل من جديد

حنا نخبره راعي الوقفات جلاي الكدر
واليوم بعد انه نكس ماعاد باق ٍ فيه فيد

يسوق رجله فالبلد تايه ولا حصل مقر
وعينه تهل ادموعها والموت في حبل الوريد

هذي نهاية كل عاشق فالهوا عمره قصر
ما حقق اللي يطمعه ومن الهوا وش مستفيد

هو يدري ان الحب من عقبه فراق ٍ منتظر
مار يتناسى فراقها ويعيش معها في رغيد

آلين جات اللحظه اللي هل دمعه من قهر
دمعة فراق حبيّبه فرق ٍ تقفاها الشديد

ثم قال بعد فراقها مالي من أحزاني مفر
مالي من أحزاني مفر والعمر ينقص ما يزيد

© 2024 - موقع الشعر