عقب الشقا والعنا والهم وأحزاني
عقب السنه والغرابيل ومجاهدها
ربي كتب لي أشوف المجني الجاني
من دون سابق مواعيد ٍ محددها
جنى عليه وعنيته وعناني
والكل منا غدى يا قوم مع يدها
ويوم ألتقينا بتال الليل حياني
حياك يا أعز خلاني وسيدها
وأنا بفرحة لقانا عقد لساني
مدري وش أقول مدري كيف أراددها
ماكنه الا الولي خالق قمر ثاني
سبحانه اللي بصفو الزين زودها
آليا أظلم الليل نور الفاتنه باني
وجلى ظلام ٍ غشى الأرض وتسيدها
في وصوفها تعجز العراف من داني
وأنا بعد عاجز ٍ والله لأوردها
هي سيدة الحسن نقوة دعج الأعياني
هي من زمنا على الصفحات خلدها
هي مهرة ٍ ما عسفها كل قوماني
عسف الأصيله على الخيال مابعدها
هي مهرة ٍ ما عسفها غير شيباني
بعد أمتلك قلبها بالحب وأسعدها
في كفها للحسن خاتم سليماني
ولاهمها اللي يهمشها ويجحدها
من نفسها واثقه مرفوعة الشاني
ما دام ربي عن الخدرات فندها
حسبي على سهمها يومه تمثناني
حتى المشاعر عن التعبير بلدها
ودي أعبر لأعز وسيد خلاني
وضاع الحكي يا جماعه في مشاهدها
وأنشهد أن السهم من عقب ما جاني
اجروح هالوقت داواها وضمدها
عقب الشقا والعنا والهم وأحزاني
جتني السعاده وانا ماني مواعدها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.