مياسة القد

لـ خالد المخيدش، ، في الانشاد والشيلات، آخر تحديث

مياسة القد - خالد المخيدش

فلي هماليلك اللي شاقني نوّه
وخلي نسايم غنجك تجاذب الخصله

الليل نشوان والمولع حلا جوّه
شوفي رموشك دخيلك كيف ترقص له!؟

قيثارة عيونك أحيت سهرتي توّه
وثمانك اللعّج أدفت بارد الوصله

مادام ليلي طويل وشاعمٍ ضوّه !
عرق الحيا في ضلوعك بأتربّص له

مياسة القد ! صرتي حيل محلوّه
حلاك كثران !؟ ولا زينك أرخص له ؟

من زينك ! الزين عقب مشاهدك نوّه
(ماألوم كثر الورود اللي تقص قص له

أنا مع الناس جنسي..نادر الخوّه
ألا بها أزيد طوع وغيرها أنقص له )

تلاعبي في فؤادٍ مضعف القوّه
وصلك لو إني مقيّد..بأتملص له

ماأخترت فيك الحياة بخيره وسوّه
أخترتك أنتي..نعيم حكايتي وأصله

© 2024 - موقع الشعر