قلة الراحة

لـ سعيد بن فالح المهداني، ، في غير مُحدد، آخر تحديث

قلة الراحة - سعيد بن فالح المهداني

بلاش كثر الكلام وقلة الراحه
الناس من فعلها نعرف طبايعها

لصار نفسي من اللي شفت مرتاحه
فضعاف الأنفس ماني ملزوم اتابعها

ماهمني واحد يلعب بمسباحه
يمشي مع الناس واسلومه مضيعها

في قلب منهو يعزه مكن ارماحه
لكن الايام بيديها مقامعها

سوق الخساير ماهيب تشجع ارباحه
وبضاعة الهون يلزمني أقاطعها

الحُر مايطرحه يكون ملولاحه
لا اومابه اللي علوم الطيب جامعها

وادلال شعري على الهاجوس فواحه
والكلمة الطيبة يرتاح سامعها

والفارس اللي يذل الخصم بسلاحه
تشهد له المعركه وأعداه يخّضعها

واللي ملكني بمسراحه ومرواحه
أقول لجله بنات الفكر أطوعها

من طيب ساسه يمشيني على الراحه
وبيبان صدري على شانه مشرعها

العلم واضح ولا يحتاج وضاحه
وعميان الارياء ظروف الوقت تقنعها

معاد ينفع راع التلميح لاماحه
مدام نفسي على لاماه بايعها

© 2024 - موقع الشعر