رسالة الي قلة معروفه ولا يهون القراء ( شموخ المعاني ) - النايله

أنا الشموخ و كبرياء المعاني
قالو وقالو وراعدو حاسديني

وانا شروق الشمس فوق المباني
تحرق بيارقهم براحة يميني

وانا الرعد لامن بعضهم رماني
يشق وجه الضيم قدام عيني

ياما من شرور المخاليق جاني
هذي تبي فرقاي وهذي تبيني

وهذي تخيط بجلدها جلد ثاني
وتنفث سموم ن بين جلدي وبيني

وهذي وهذي بس هذي تعاني
كل ما اشرقت شمسي وضوت جبيني

ما الومها لوهي تعد الثواني
وتنثر ورود الحقد في راحتيني

لأني ماني مثلهم في زماني
ومالي مثيل ولا شبيه بسنيني

ولأني اكبر من تفاه المكاني
وين العواذل لو تمادو وويني

ولأني اوضح من وضوح الأماني
وانزه من المغوين واشبه حنيني

يبطون ما شافو بعيني طماني
بدري عليهم لا وربي وديني

أنا غصب عنهم شموخ المعاني
لو حاولو ثم حاولو حاسديني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر