الحكايه

لـ النايله، ، في غير مُحدد، آخر تحديث

الحكايه - النايله

كل مره كنت احاول انظم القاف واجيبه
لاجل احكي قصةٍ طالت ولا اعرف منتهاها

هي غريبه ذا الحكاية من كثر ماهي غريبه
تنتثر بحروفها حولي ولا ادري وش وراها

تضحك بوجهي وترسم صورةٍ مني قريبه
بعدها تكشر وتمسح صوره وترسم سواها

طال صبري طال خوفي واختياراتٍ كائيبه
والمسافه ضيعتني بين خطواتي وخطاها

كم حلمت وكم رسمت ولي خيالاتٍ مهيبه
كم مشيت وكم سريت ودمعتي ماجف ماها

كثر ما صادفت ناس وكثر ما وجهت غيبه
كثر زيف الاقنعه ورموزها واقدر ثراها

كبر حجم اللي اشوفه من تخاريفٍ مريبه
كثر مافهمي تشتت كثر ماهمي تناها

كثر ما نلته ونلته في الحشى جروحٍ صويبه
اتسلى علي انسى بس يغلبني مداها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر