بعتني يا زين - حسين خميس آل علي

يا حبيبي ليش تجفيني
ليش عنّي تبعد وتنكف

وين عهدك وين ليميني
ليش هذا اليوم بي تخلف

هل سمعت من المواشيني
قول زور وقول (ن) مزيّف

بعتني يا زين بالديني
وإشتريتك بالذي كلّف

انته تاخذ وانت تعطيني
والأمر بيدك وتتصرّف

وانته دايم ما تراعيني
بالظلم تحكم ولا تنصف

يوم بزعل ما تراضيني
ويوم تزعل واجب أتأسّف

لو تبعتك باتشقّيني
ولو تركتك كم بتحسّف

بك أنا مولع من سنيني
وانته بي يا سيّدي أعرف

انته يا سيد المزاييني
في غواك الناس تتوصّف

ساحر (ن) قتّال بالعيني
نظرتك جرّاحه وتتلف

إبتسامه منك تحييني
يا حلاتك يوم تتلطّف

مشيتك يا زين تغريني
كالقطا بالمشي تتغريف

شوفتك تسوى ملاييني
كم عليك آحن وأتلهّف

يا حبيب الروح يكفيني
لا تشط بحالتي وتسرف

جمّع الله بينك وبيني
الودود القادر يولّف

© 2024 - موقع الشعر