روحي وانا الوطري ماراحٍ بلا ارجاع
وعيبٍ على منهو يرد بكلامه
القلب طاب وهودت كل الاوجاع
ما عاد لك بالقلب رسم وعلامه
لو ان زينك بالعرب يالغضي شاع
ملكت عرش الزين هوووسامه
اول نهيت القلب عنك ولا طاع
واليوم طاوعني وغير نظامه
يومٍ لقيتك ياهوى البال خداع
صعبه على مثلي يبيع الكرامه
ترا الوفا دربه به النور شعشاع
والا المخادع من ظلام بظلامه
الكذب هو والزيف حطيته اقناع
مير انكشف من بعد طاح اللثامه
كنت احسبنك راس مالي والاطماع
واليوم راس المال منك السلامه
النجم لمن طاح ميعاده القاع
الحر يفهم والحمامه حمامه
تمت الإضافة بواسطة :منيرة العبسي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.