امقيط وارشاه

روحي ماراح امقيط يابنت وارشاه
اقولها والقلب زايد غرامه

القلب يمك مير انا اليوم بنهاه
وش خانة الرجال دون الكرامه

أليا ذكرت ايام وقتٍ قضيناه
وقتٍ رحل واقفى وطوى خيامه

ايام ما كنا على الزين وياه
يشفق علي وشوف زولي مرامه

اليوم صد وكننا ماعرفناه
الله حسيب اللي رجع في كلامه

من باعنا بالرخص يابنت بعناه
هذا الصحيح ولا علينا ملامه

دور وادور غيرك اليوم والقاه
رح في طريقك رافقتك السلامه

تمت الإضافة بواسطة :منيرة العبسي