اضحك

اضحك ووسع خاطرك لا يجي عمس
خل الزعل عليه يطغي سرورك

سولف وابسولف معك بس بالهمس
بشويش لا تجرح شعوري وشعورك

خل الحكي من بيننا دوم بالرمس
وانا تحت امرك وطايع لشورك

تعال مني قريب يا ناعم اللمس
ادواي لا شميت فايح عطورك

تعال اعوض ما مضا معك بالامس
واغوص واسبح معك داخل بحورك

تعال واشبك خمسك اليوم بالخمس
ذبحتني يا غايتي في غرورك

ساعة زمنٍ من بيننا همس مع غمس
فيها اشوف النور من نور نورك

ابغا ظلالك من عقب لاهب الشمس
الى متى عايش بظلمك وجورك

حبك طمسني عن جميع البني طمس
يكفي ترا عندي ياعمري حضورك

تمت الإضافة بواسطة :منيرة العبسي