يا جروحن بعثرتني - جنون الشعر

يا جروح(ن) بعثرتني و اشتكى نبضي مصابه
بعد ما جابه شعور(ن) في الحقيقة ماخِذَنّي

ما هقيت ان المآسي تسرق اقليبي شبابه
مير ان بعض المناظر يا خويي شيبتني

و انثرت فيني شظايا و انتثر حبري خضابه
تملي اركان البسيطة من هموم(ن) ساكنتني

كيف يهدر حلم طاهر كننا في وسط غابه
و الكآبة شي لازم بعد ما هي حوطتني

اسئلة ضاعت و حيرة .. بين واقع و اضطرابه
بين همٍ بين غربة .. بين حرمان و تجنّي

عمر ذاوي و الشوارع تحمل الوان الغرابه
و القصص يا هي كثيره و الألم بي ذابحَنّي

الرصاص اللي خبرته جارحٍ فينا جوابه
و الفكر ضاع اب/متاهه و اغترب بالحيل عنّي

كيف يبقى و الغناوي اتلفت سِبت ضبابه
و العنا حنا نعيشه في الحلوم اللي تِمنّي

نفسنا و نقول باكر ينتبه يرجع صوابه
بس بالظاهر ثَملنا ،، مادرينا ايش يعني

ان غيرك يستبيحك / المطالب له مجابه
ينتهك عرضك و يهتك / يا ترى نقدر نِغَني

؟؟!!!
آه ليت القول ينفع / و الفعل نشكي غيابه

ودي بالآلآم احكي / بس دمعي مانعَنّي
صورةٍ يا هي قويه ،، هزت اركان الصلابه

لو لنا قلبٍ رحومٍ ،، ما قضيناها تمنّي
© 2024 - موقع الشعر