غبتي - جمعان خلف الرشيدي

غبتي وغابت مع غيابك سنيني
أيّام عمري روّحت كنها يوم

مايمر يالغالي خيالك بعيني
إلأّ اليا جيت أنتظر ساعة النوم

دكت هواجيسي وطيفك يجيني
طير السهر في ناظري يكسر الحوم

أحترت باللي صار بينك وبيني
هو حب وإلأّ ثار قومٍ على قوم

لاتاخذين الثار وتعاتبيني
الثار مايوخذ من إنسان مهزوم

أنا عطيتك ماملكته يديني
عطيةٍ ماقبلها حبة اخشوم

برضاي وأنتي في رضاك اسمعيني
وإلأّ ترى محدٍ على الغصب ملزوم

نصيحتي بالدرب لاتبعديني
لاياخذك من بعدي الغيض واللوم

هاتي يمينك وأنتي اخذي يميني
محرومةٍ مني وأنا منك محروم

للحب دمعه في عيون الحزيني
ماتنزل الأّ من سبب شي مقسوم

وللحب فرحه ترتسم بالجبيني
تاخذ من الضايق هواجيس وهموم

وللحب نظره تجمع المبعديني
نظرة وفا فيها مراسيل وعلوم

وحبي وحبك عانق الفرقديني
سامي 0 وضامي 0 والسما برق وغيوم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر