قمر عشرين - جمعان خلف الرشيدي

الا يالله إنك تجمع الشمل بعد افراق
عسى ماخذنه سود الأيام يعطنه

تجيني بطيبة نفس ماحب لوي اعناق
توافيق تجمعنا على الشرع والسنه

على الحجه البيضا الشريفه وحسن اوفاق
تسر الصديق ومن حسدنا يغيضنه

وأنا ياحبيبي طال صبري وصدري ضاق
هواجيس قلبي عقب فرقاك وردنه

اعد الدقايق ساهرٍ ناشف الارياق
ماغير انتظر مابين تنهيده او ونه

عليك اصفق الكفين من خاطرٍ مشتاق
يبي شوفتك مير المقادير ضدنه

مع الحزن والافكار والهم والارهاق
عسى الله يعوّضني بلاماك بالجنه

الا ياقمر عشرين في عالي الافاق
دخيلك بوصلٍ ماتجي حوله المنه

ترى المنه الشينه ماهي عادة العشاق
حلات المحب يكون ضنك على ضنه

متى تمطر مزونك ويكشف سنا البراق
على مرتعٍ فيه المشاعر لهن حنه

أنا صرم قلبي مثل ماتصرم الاوراق
زهورٍ صرمها لاهب القيض والكنه

على ذكرياتي معك تاخذني الاشواقزمان الطفوله والهوى ضاحكٍ سنه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر