خلوه يلعب بقلبي بين راحة يديه
لاتكثرون الملامه والنصح والعتاب
ماشفت له بينكم ياناصحيني شبيه
وش جاب لون الحمامه عند لون الغراب
ولاتسألوني عن الاسباب من غير ليه
بعض اسئلتكم ترى ماعندي الها جواب
يبقى هو الغالي اللي ماتعوّضت فيه
إلأّ عذاب السنين وذكريات الشباب
بعض العرب لو يعذبني حلالٍ عليه
ساعة من لوقت في ذكراه تسوى العذاب
اعيش في عالمه دامه يبيني وابيه
انقل صوابه وهو مثلي ضميره مصاب
آخر خبر فيه يمسح دمعته في يديه
والكلمه اللي يردد لايطول الغياب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر