غبتي بكيفك - احمد المنتشري

غبتي بكيفك يالحبيبة وجيتي
جيتي وانا من فرحتي قمت اهليك

غبتي ونسيتي حبك اللي هويتي
رحتى...ولا حتى رساله لغاليك

رحتى بقلبي عقب ما انتى شريتي
حبي نقا..شاريك بالصدق شاريك

وش عذرك اللي عن حبيبك لقيتي
وانا مثل خبرك على حطة ايديك

باذكرك ..ان كان عني سليتي
لأني على عهدي ووعدي مواليك

شفتي الزمان وحبي اللي نسيتي
وشفتي الحروف الوافيه كيف تبكيك

وشفتي الليالي وعهدها اللي خذيتي
.وشفتي الوعود ونطقها من شفاتيك

وشفتي الحلوم اللي بنومك رأيتي
وشفتي الرسايل حين تشتاق عينيك

هذا الأماني وحلمها وما بنيتي
.صارت سراب ونبتها في رجاويك

حتى ابتسامة ثغري اللي رويتي
تاهت عن عيون البشر لأجل توفيك

حتى يديني وحظني اللي هويتي
.بيح دفاه ومعانقه في حراويك

حتى السوالف وهمسها اللي بغيتي
ملت شفاتي ما تبي الا تحاكيك

الله عليك ياكم بقلبي قسيتي
وانا على عهد الوفاء دووم مغليك

باعاتبك وان كان لحظة سليتي
لابوه ظرف(ن) عن حبيبك يسليك

شعر احمد المنتشري
في 13/9/2007م

© 2024 - موقع الشعر