شيوخ الرخاء - ثامر الشلاقي

ان شانت ايامك وبعض العرب شان
و جاوبت من حر اقشر الوقت ذيبه

يا اظلم سماك وضاقت فجوج الاوطان
و قامت تومي بك هبوب الغليبه

لا تنصى الهقوة قليلين الاحسان
شيوخ الرخا ماينطحون المنيبه

زيلان كانك تفهم العلم زيلان
و من لا لقى ط يب اوله ما لقى به

وش عاد لوقالوا مناصي وشيخان
وقالوا بيوته لو تجيها تغدى به

مسمى شيوخ وهي دعايات واعلان
لو كابرت بالمجتمع ما درى به

مالاج ببيوته عن البرد بردان
من غير اهلها اسوارها ما مشى به

لو جبت له تسعين مري ورمثان
من غير اهلها قرروا ما وطى به

بيوت عساها للمذلة وحقران
يا صار ما تذريك وش ينبغى به

كوبان يبقى لأخر العمر كوبان
و تبقى الزريبة للقيامه زريبه

اما الشيوخ اللى المسمى لها كان
من النبي و الليلة اللى سرى به

و نعم الشيوخ اللى يفكون الاضعان
اللى يا قل المتقى تتقى به

و يا مدور المزبان كان انت بلشان
شد الحزام وشد حبل النجيبه

و ازبن على عديهان مجول عديهان
حبل النجاة ليا غرقتك المصيبه

ازبن على اللى يا تبين ويا بان
قمة وفاء من شاف ضيم يجي به

ازبن على اللى وقفته تجل الاحزان
ملجى ملاج الملتجي يا لجي به

ترا ابو والم عند روغات الاذهان
يبين يا اشتدت حبال المصيبه

بالطيب ما مثله خلق ربي انسان
جزل العطا عيبه ليا عد عيبه

ماهي تصنع او تقاليد لفلان
هذي بشخصه طال عمره وهي به

طيبه بحر ما به مجادل ونكران
من خلقت ادم ما حدن طاب طيبه

فرز الوغى يا صار عج ودخان
يدرك سهام الطيبات ويجيبه

ازبن لبو والم سلايل كحيلان
عوق الطليب ليا بغى من طليبه

ارفع له البيضا على راس مابان
بأعلى الطويل اللى كهوفه مريبه

قلته اشادة طيب واعلن بها اعلان
تعلن علن ماهي مناجي وغيبه

ولا هنت يا سامع كلامي ولا هان
اللى الفعول الطيبه ينحلى به

تمت على معروفه اللى معي كان
و الله يقدرني على رد طيبه

© 2022 - موقع الشعر