ماهي غريبه - تركي السواط

ماهي غريبه اختلاف الزمن عاد
ولاهي غريبه لو نسوك الحبايب

هذا كلام اللي من الوقت مزداد
بالهم يامجدي ودمعه سكايب

شخصا هديته عمر تركي ولافاد
ياليتني ما اعطيته القلب ذايب

سلمت له روحي وانا صادق وجاد
واقول يفدونك هلي والنسايب

وارخصت له نفسي وقلت اشر وناد
واللي توده لجل خاطرك جايب

وان غاب لحظه صار بالجوف وقاد
ماكني الا من غزته المصايب

اذوق طعم النوم والشرب والزاد
واعيش كني فاقد من القرايب

واسهر ونجم الليل والحزن شهاد
واحيان يامجدي عن الوعي غايب

لكن بيده حطم القلب وآباد
حلما رسمته واصبح اليوم خايب

مالي سوا ذكراه يوم الله أراد
انه يروح وفي خفوقي لهايب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر