الجبيل

لـ ، ، بواسطة غادة العلوي، في غير مُحدد

ياليل ضاق الصدر ياليل ياليل
وانا اعرف العله وهين دواها
من كم يوم وضحكتي كنها الخيل
لاجابت الاول وكلن وراها
لكن جيت وفرحتي هي (الجبيل)
مدينة(ن) ربي بحسنه كساها
مالي بها خ(ن) ولكن بالحيل
لقيت نفسي هايمه في ثراها
رمانة الدنيا ومعشوقة السيل
حوريه يغار الزهر من حلاها
فيها الكرم يعني عن القال والقيل
وكن المحبه نازله من سماها
فيها يفوح الطيب ويشمه الهيل
وتجيب عطر الود نسمة هواها
هي شي يعجز يوصفه اي تحليل
وصعبه حروف الشعر توصل مداها
لقيت لي فيها مسامر وتعليل
ولقيت قلبي مايدور سواها
ولقيت روحي بالمحبه لها تميل
ونفسي تقول الله وهبني غلاها
لكن بأرجع لاجل خاطر يا (جبيل)
مدامت جروحي تشوفك دواها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر