ماهي غريبه

ماهي غريبه يوم حبيت غيري
ذي عادتك والله كريمٍ يجازيك

ما دام غيّرت الوصل يا عشيري
شيء طبيعي تخدع اللي وثق فيك

يا كثر ما ضحّيت ولك جيت اسيري
وياكثرماتعبت عيوني تراعيك

تخطي عليّ دايم وفعلك خطيري
وأناا تحمّل زلتك ثم أراضيك

تخطي ولا تدري ولا تستشيري
ماتعرف من حبك من اللي يعاديك

ولا بديوم والفلك يستديري
وتذكرزمان ٍفات يوم إني اغليك

خيرك بعد هذا الجفاتستجيري
وتصفق ابكفك والسبب من تحديك

وكانك تبي عن عشرتك تستخيري
فانابعد مااريد قربك ولا ابيك

ترى الخيانه للخوي ما تصيري
لو اصلحت هذي ابدمااصلحت ذيك

شعر :
راشد القناص